Улогата на витамин Д

Витамин Д е витамин кој се раствора во масти и се внесува во организмот преку храната и преку додатоците на исхраната, но се произведува и под дејство на сончевите зраци кои директно удираат на кожата. Главната улога на витамин Д е да помогне во регулирање на нивото на калциум, фосфор и (во помала мера) магнезиум во крвта. Витаминот Д е од витално значење за растот и здравјето на коските; без него, коските ќе бидат меки, што може да доведе до болести наречени рахитис кај деца и остеомалација кај возрасни. Последните студии укажуваат на поврзаност меѓу ниските нивоа на витамин Д и зголемениот ризик од дијабетес, кардиоваскуларни и автоимуни болести како и различните форми на канцер. Одредувањето на витамин Д во крвта стана параметар за испитување на целокупниот здравствен статус.

Ефикасноста од терапијата со витамин Д во подобрување на имунолошкиот одговор кај пациентите, доведе до сѐ поголем број на пациенти кои примаат неконтролирани дози на витамин Д. За да се одреди точната доза потребна за одржување на нормални вредности на витамин Д, треба е да се направи испитување на неговата концентрација во крвта заедно со електролитите на кои влијае.

Овој витамин се хидроксилира во црниот дроб и бубрезите, делува директно во дигестивниот тракт во зголемување на апсопција на калциум, влијае на апсорпцијата на електролитите во бурезите, влијае на имунолошкиот систем, односно делува на целокупниот организам. Тоа е причината што овој пакет на анализи опфаќа:

  • Крвна слика, седиментација, глукоза, железо, AST, ALT, уреа, креатинин, холестерол и триглицериди – за проверка на општата состојба на организмот
  • Витамин Д
  • Калциум вкупен – витамин Д директно влијае на неговата концентрација во крвта
  • Магнезиум вкупен – витамин Д директно влијае на неговата концентрација во крвта

За повеќе информации за тестовите, препораки за анализи и консултации можете да закажете термин со специјалистот по медицинска биохемија.

 

Посветени на Вашето здравје,
ГЕНЕА Лабораторија